Ibargaingo kideak kalera aterako dira asteburuan
Ikasturte bukaerako kontzertuak prest ditu Ibargain Oiartzungo Musika Eskolak. Bakarlarien, taldeen, ikastetxeko kideen nahiz musika eskolakoen doinuak entzun ahal izango dira datozen egunetan. Lehen emanaldia atzo egin zuten. Horra datozen egunetarako egitaraua:
- Gaur, ostirala, 15:15ean, eta udaletxeko areto nagusian, Elizalde eta Haurtzaroko 4-5 urteko ikasleentzat zuzendua, 7-12 adin tartean dabiltzanen kontzertua, denera 30 partaiderekin. Ondoren, 19:30ean, bakarlariak, bikoteak eta kamara taldeak ariko dira jotzen udaletxeko areto nagusian, 42 lagun denera.
- Bihar, larunbata, 19:00etan, eta Elorsoro kiroldegian, kontzertu jaialdi erraldoia. Ibargaineko hainbat taldek parte hartuko dute, musikariak eta koruak, baita Elizaldeko nahiz Haurtzaroko 6-9 adin tarteko gaztetxoek ere. Festa bukatzeko denen artean Bihotz, bihotz eta Gure esku dago kantak abestuko dituzte.
Ibargainen jaialdia, Elorsoron
