Oiartzungo Euskaraz Bizi Nahi Dut lasterketa, ostiralean

Adin tartearen araberako lau lasterketa egingo dituzte, 17:00etan hasita. Mosaikoa eta txokolate jatea ere egingo dituzte.

Urko Etxebeste Petrirena

Oiartzun

2014/12/01

Ttur-Ttur Euskaltzaleon Bilguneak antolatuta, ostiralean Euskaraz Bizi Nahi Dut lasterketa parte hartzailea egingo dute Oiartzunen, gaztetxoentzat. Euskal Herriko beste toki askotan antzera, Oiartzunen ere izango dute aukera gaztetxoek, lehia helbururik ez duen lasterketan euskararen aldeko aldarria egiteko, “euskaraz bizitzeko nahia harrotasunez eta elkar hartuta adierazteko beste aukera bat izango da. Doneztebe plazan hasiko da lasterketa, lau ataletan banatuta (dortsalak haurrek ikastetxeetan egingo dituzte):

17:00etan, HH 1,2 eta 3 mailakoek parte hartuko dute.
17:15ean, LH 1,2 eta 3 mailakoek.
17:30ean, LH 4,5 eta 6 mailakoek.
17:45ean, DBH 1,2,3 eta 4 mailakoek.

0-8 adin tarteko haurrekin gurasoek joan ahalko dute. Eta Euskaraz Bizi Nahi Dut kamisetarik ez dutenei eskatu diete ea posible duten elastiko beltz batekin parte hartzea. Bestela, kamisetak erosteko aukera ere badago, 10 euroan. Baina arratsaldea ez da soilik lasterketara mugatuko. Beste hiru zita garrantzizko daude. Honakoak:

17:00etan, haur jolasak egingo dituzte Kontzejupean.
18:15ean (lasterketa eta gero), Argitu euskara zure izpiarekin leloarekin mosaikoa egingo dute.
18:45ean, txokolatada.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.