Urdaburu eta Aldura igoko dituzte Itsastarrak taldeko mendizaleek
Urtea agurtzeko Ereñozutik irten eta Oiartzunera arteko bidea egingo dute oinez, igandean; Oiartzungo Tolare jatetxean babarrun jatea egingo dute.
Urdaburu eta Aldura mendiak igoko dituzte urte bukatu aurretik egingo duten azken irteeran, eta Ergoiengo Tolare jatetxean babarrunak jaten ospatuko dute ikasturte bukaera. Interesdunek 943 39 60 55 telefono zenbakira dei dezakete izena emateko.
Batzar orokorra, asteartean
Asteartean, Trintxer jauregian, ohiko eta ez ohiko batzar orokorra egingo ditu mendi taldeak. Lehen deialdia 9:30erako egin dute, eta 20:00etarako bigarrena. Gai zerrendan, besteak beste, 2014ko jardueren memoria, diru kontuen egoera, 2015erako jardueren egutegia, eta galde eskeak.
Ezohiko batzar orokorrean berriz, hiru gai aztertuko dituzte: Hauteskunde batzordearen izendapena; hauteskunde egutegiaren onarpena; Akta-zentsoreen izendapena.
Batzarren eguna federatu txartelak berritzeko eta egiteko baliatuko dutela gogorarazi dute.
