Igande goizean hasita baserritarrek eta baserriko produktuek hartuko dute Saldise plaza, Santomas egunaren harira. Munttar txistulari taldearen kalejirak emango dio hasiera Santomas egunari 11:00etan. Ordurako, Saldise plazak betiko itxura aldatu eta azokar itxura hartuko du. Lezoko hamabi baserrietako produktuak erosteko aukera izango da: Peliar, Bordatxo, Iribarren, Juan Martindegi, Piri, Larraka, Harriaundi, Lopene, Olamarta, Zunoyar azitegia, Nekane loradenda, Joseba Pikabea eta Borda Goizargi baserriak izango dira bertan.
Horiekin batera beste lau postu ere izango direla jakinarazi du udalak. Sarrikola ogitegia, Aitor Zabala Ezkurra erle produktuekin, Triskel eta Mañekoazpi, erroskila eta euskal pastelekin.
Talo eta txistora pintxoak ere ez dira faltako. Eguerdian berriz, 13:00etatn hasita txorimaloen erakusketa izango da. Lezoko ikasleek egindakoak dira txorimalo horiek.