Errazkin: "Benetako biziberritzeak iraunkorra izan behar du"
Oarsoaldeko lau alkateak aldundiko Ingurumeneko eta Lurralde Antolaketako diputatu Iñaki Errazkinekin bildu dira gaur, eta "badia bitziberritzeko pauso zehatzak emateko konpromisoa berretsi dute".
Iñaki Errazkinek adierazi duenez, Pasaiako badiaren biziberritzearen abiapuntua Kaiko Herrera behar du, baina horrek beste eremuetan egin beharreko esku hartzeak ez dituela baldintzatuko adierazi du. Errazkinek nabarmendu du “badiaren benetako biziberritzeak bertako udalerrien eta herritarren eta Gipuzkoaren beharrei erantzun behar diela” eta “barne portuak ere tokia izan behar duela”. “Interes espekulatiboak” bazterrean utzi eta “benetako biziberritzeak iraunkorra” izan behar duela nabarmendu du, ekonomiaren zein ingurumenaren aldetik, eta irizpide arrazional eta sozialei erantzunez.Bide horretan urratsak “lehenbailehen” egiteko prest agertu dira bileran izandako guztiek. Datozen asteetan proiektuak zehazteko bilerak egingo dituztela iragarri dute.