Odol emaileen elkarteak iaz 471 odol poltsa bildu ditu Pasaian
Azken urteetan bildutako poltsa kopurua beherantz ari delako kezka agertu dute elkartetik.
Kezka agertu du odol emaileen elkarteak, urtetik urtera biltzen ari diren odol kopurua beherantz ari delako. Zehaztu dutenez 2014. urtean, Pasaian (Antxon, San Pedron, eta Trintxerpen) 471 odol poltsa bildu dituzte, guztira 212 litro odol. Odol poltsen beherakada Gipuzkoa osoan sumatu omen dute.
Emaile gehiago lortzeko helburuz, kanpaina berezia egin dute Antxon, Luzuriagako etxe berrietara etorritakoen artean, etorri berriak odola ematera anima daitezen. Postontzietan esku orriak banatu dituzte eta atarietan afixak jarri. Antxoko odol emaileek gaur dute zita, hilero bezala, 18:30etik aurrera, anbulatorioan. Elkarteak 18 eta 65 urte arteko pasaitar guztiak deitu ditu odola ematera.
