Terrazak eta mahai multzoak jartzeko tasak zehaztu ditu udalak
Bi baimen mota eskatzea izango dute tabernek eta kafetegiek, urte osokoa edota udarakoa.
Lezoko taberna eta kafetegietako jabeek terrazak eta mahai multzoak jartzeko baimena esktu dezakete. Izan ere udalak zehaztu ditu aurtengorako tasak. Bi aukera izango dituztela taberna eta kafetegietako jabeek esan dute udaletxetik. Bide publikoan mahai bat eta lau aulki urte osoan izateko baimena eskatzen dutenek, 120 euro ordaindu beharko dute urteko. Iazko datuekin alderatuta %15eko beherapena izan duela tasa horrek gaineratu dute udaletik.
Bigarren aukera udako baimena eskatzea da. Horren arabera, mahai bat eta lau alki ekainetik irailera dituen tabernariak 47 euro ordainduko ditu.
Urte guztirako baimena eskatu eta udaran mahai eta aulki gehiago jarri nahi dituztenek eskaera berria egiteko aukera izango dute. Informazio gehiagorako, berriz, Hirigintza departamentura jo dezakete interesdunek edo 943 52 43 80 telefono zenbakira deitu.
