EAJk Bou Nabarrako aparkalekuaren gaineko informazio gehiago eskatu du
Hauteskundeei begira egotea egotzi dio EH Bilduri eta "kea saltzen" ari direla salatu dute.
EAJren bozeramaile Nahikari Oterminek San Pedroko Bou Nabarra aparkalekuaren gaineko informazioa eskatu dio beste behin gobernu taldeari. EAJk kezka agertu du, jeltzaleen arabera, Bilduk aparkalekua aurten zabalduko duela iragarri duelako udal hauteskundeen gertutasunak bultzatuta. Zehaztu dutenez, hainbat arazo teknikok eragin dute orain baino lehen hirugarren solairuan txandakako parkinga zabaldu ahal izatea. Jeltzaleek aipatu arazoak gainditzeko zein urrats egin diren jakin nahiko lukete, eta hori dela -eta oposizioari gaiaren gaineko informazioa helarazteko eskatu dute.