Antxoko mugikortasuna hobetzeko lanak abiatuko dituzte astelehenean
Gelasio Aranburun hasiko dira lanean, Oarso eta Kupeldegi arteko zatian autoentzako bi norabide ezartzeko.
Astelehenean abiatuko dituzte Pasai Antxon barrutiko mugikortasuna hobetzea helburu duten lanak. Hala iragarri du gobernu taldeak. Zehaztu dutenez, lehenik Gelasio Aranburu kalean hasiko dira lanean, Oarso eta Kupeldegi kaleen arteko zatian, trafikoa bi norabidetan ezartzeko, eta Luzuriagako aparkalekuko sarrera-irteera lekuz aldatzeko. Zebrabidea ere mugituko dute tokiz. Lan horiekin, besteak beste, oinezkoen segurtasuna eta irisgarritasuna bermatu nahi du udalak. Aurrerago lan gehiago egingo dituztela esan dute, aparkalekuaren berrantolaketari ere ekin asmo diotelako, eta aldian-aldian lanek sor ditzaketen eragozpenen berri emango dutela iragarri dute.
