Bizikletak erregistratzeko kanpaina martxan da Pasaian
Bizikleta erregistratzen duten pasaitarrek doan igaro ahal izango dute txalupan.
Pasaiako Udalak udalerriko bizikletak erregistratzeko kanpaina abiatu du. Iragarri dutenez, bizikletak erregistratzen dutenek hainbat abantaila izango dituzte. Batetik, bizikleta doan pasatu ahal izango dute motoran badiaren alde batetik bestera dabiltzanek, eta bestetik, bizikleta lapurtu edota giltzarrapoaren giltza galtzen denetan, bizikleta norberaren dela egiaztatzea errazagoa izango dela ohartarazi dute.
Bizikleta erregistratzeak 5 euro balio du. Lehen lau hilabetetan ez da fakturarik aurkeztu beharko bizikleta zaharrak erregistratzeko, baina hortik aurrera, erosketaren faktura eskatuko dute. Fakturaren egiaztagiria jasotzeaz gain, udalak erregistratu behar duen bizikletaren argazkia egin eta erregistratua dagoela adierazte duen ikurrarekin pegatina bat emango dio jabeari bizikletan jar dezan. Era berean, bizikletari segurtasun marka bat trokelatuko diote (aukerazkoa).
Interesatuak udalaren webgunean topa dezakete informazio zabalagoa.
