Kaldereroetarako entseguak antolatu dituzte Trintxerpen
Asteartean eta asteazkenean izango dira entseguak, alkateordetzan; Santa Ageda bezperako koruak, aldiz, otsailaren 4ean irtengo dira.
Inauteriak heldu dira aurki, eta horiek baino lehen iritsiko dira Hungariako perzkinak etorrera iragartzera. Hilaren 31n irtengo da kaldereroen konpartsa Trintxerpeko kaleetatik barrena, eta konpartsan irten nahi dutenek datorren asterako prestatu dituzten bi entseguetara joateko aukera izango dute. Astearteko entsegua 20:00etatik 21:00etara izango da, eta asteazkenekoa, 20:15etik 21:15era.
Era berean Santa Ageda bezperako koruak otsailaren 4ean irtengo direla jakinarazi du musika eskolak, 19:00etan, Gudarien Enparantzatik.
