Otxeren egutegia
Oarsoaldeko Txirrindularitza Eskolak otsailetik ekainera ikastaroak antolatu ditu, formaziokoak, hainbat txirrindularitza modalitate ezagutarazteko. Arlo teknikoa eta mekanikakoa ere kontuan hartu dituzte.
Oarsoaldeko Txirrindularitza Eskolaren egutegia
Otsaila. Teknika (Ane Santestebanekin) eta mekanika edo bizikleten mantenua (Arkaitz Izarekin) landuko dituzte.
Martxoa. Asier Maeztuk eta Gorka Agirrezabalak pistako txirrindularitzako irizpideak emango dizkiete parte hartzaileei.
Apirila. Mikel Astarlozak eta Dorleta Eskamendik errepideko oinarrizko ezagutza (bide heziketa, taldean nola joan…) eta ezagutza sakonagoak (erreleboak, aerodinamika, erresistentzia, esprina…) azalduko dituzte.
Maiatza. Urko Munduatek eta Arkaitz Izak BTT (mendiko bizikleta) gaitzat hartuta, modalitate horren xehetasunak emango dituzte: orientazioa, zoru ezberdinetan nola ibili, oztopoak nola saihestu, naturaren zaintza…
Ekaina. Igor Eskuderok eta Aritz Petrirenak BMX (trialsin bizikletak) zer diren, eta nola erabiltzen diren azalduko dute: teknika, trukoak, espazio ezberdinetan aritzea…
