Auzokonposta guneetara jarraipen bisitak egingo dituzte, bihar hasita
Hamazazpi familia berrik egin dute bat auzokonposta kanpainarekin hilabete honetan.
Etxeko biohondakinak konpostatzen ari dira lezoarrak azaroaz geroztik sei auzokonposta guneetan, eta hasieratik jarraipen bisitak egin ditu Elkarrekin 21 Ingurumen Aholkularitzak. Hilabete honetan bertan beste 17 familik egin dute bat auzokonposta kanpainarekin eta udalak tutoretzak egitea adostu du aholkularitza enpresarekin familia berri horiei begira.
Tutoretzen helburua bikoitza dela esan du udalak, “Batetik erabiltzaile berriei jarraibideak emango zaizkie auzokonposta egiteko; bestetik, orain arteko erabiltzaileei auzokonposta hobetzeko aholkuak emango dizkiete”.
Auzokonposta ezberdinetan hamar minutuko saioak egingo ditu horrenbestez, Elkarrekin 21 Ingurumen Aholkularitzak. Lehen saioak bihar bertan egingo ditu 12:00etan andreonen, 13;00etan Arretxene-Txulotxon, eta 14:00etan Altamiran. Nahiz eta zonalde hauetako bizilagunak ez izan, auzokonposat egiten duen orok parte hartu dezake saioetan.
Datozen bisitak ordutegi berean egingo dituztela azaldu du udalak.
Bisita egutegia:
- Otsailak 12
- Otsailak 26
- Martxoak 12
- Martxoak 26
- Apirilak 23
- Maiatzak 28
- Ekainak 25
- Uztailak 23
- abuztuak 27
- Irailak 24
- Urriak 22
