Inauteriko makillaje tailerra eta Aitona Mantangorri eta euskal zinemagintza tailerrak egingo dituzte Oarsoaldeko lau herrietan.
Mintzagun egitasmoaren aurkezpena
Mintzagun tailerrak antolatu dituzte otsailera begira Oarsoaldeko Euskara Batzordeak eta Oarsoaldeko euskaltegiek elkarlanean. Inauteriko makillajea eta Aitona Mantangorri eta euskal zinemagintza tailerrak egingo dituzte oraingoan. Ane Gaztelumendik gidatuko du lehena, eta Kepa Errastik bigarrena. Makillajeko lau saio egingo ditu Gaztelumendik.
Otsailaren 2an 10:00etatik 12:00etara Pasai Antxoko Txirrita Aek euskaltegian izango da eta egun berean arratsaldez, 15:00etatik 17:00etara Pasaiako Udal Euskaltegian. Otsailaren 9an beste bi saio egingo ditu. 9:30etik 11:30era lehena Errenteriako Udal Euskaltegian eta 14:30etik 16:30era bigarrena Oiartzungo Intxixu Aek Euskaltegian.
Aitona Mantangorri eta euskal zinemagintzako sei tailer egingo ditu Errastik. Lehena otsailaren 3an izango da 19:00etatik 21:00etara Pasai antxoko Txirrita Aek Euskaltegian.
Zinemagintza tailerren egutegia:
- Otsailak 4. Errenteriako Xenpelar Aek Euskaltegian 20:00etatik 22:00etara.
- Otsailak 5. Pasaiako Udal Euskaltegian 19:00etatik 21:00etara.
- Otsailak 10. Oiartzungo Intxixu Aek Euskaltegian 18:30etik 20:30era.
- Otsailak 11. Lezoko Oroitzene Aek Euskaltegian 9:00etatik 11:00etara.
- Otsailak 25: Errenteriako Udal Euskaltegian 9:30etik 11:30era.