Pasaia eta Amberes artean edukiontziak garraiatzeko linea berria zabalduko dute portuan
Zentral termikoak okupatzen zuen espazioa baliatuko dute edukiontzien trafikorako terminal berria egokitzeko
Otsaila bukaerarako Pasaia eta Amberes-eko portuen artean edukiontzien trafikorako linea berria martxan izango dela jakinarazi du Portuko Agintaritzak. Esan dutenez, orain arte portuak ezin izan du halako zerbitzurik eskaini “espazio faltarengatik”. Donibaneko zentral termikoaren itxierak, ordea, espazioa liberatzea ekarriko duela, eta horrek Lezoko kaian terminal berria egokitzea bideragarri egin duela zehatu du Portuak.
Linea berriak Ambereseko Euroports/Kallo terminalean izango du atrakalekua, eta Tilbury (Erresuma Batua), Rauma, Hnako eta Kotka (Finlandia), San Petersburgo (Errusia), Paldiski (Estonia), Gdynia (Polonia), eta Lübeck (Alemania) portuetara ontzi-aldaketak egiteko aukera emango du. Era berean, Kanadan eta AEBetan eskala duten portuekin lotzerik izango da.
Ontziek ostiraletan, 07:00etatik 221:00ak arte izango dute geldialdia Pasaiako edukiontzien terminalean. Ambereseko terminalean, aldiz, astelehenetan atrakatu eta astearte eguerdian abiatuko dira Pasaiarantz.
