Albaolaren eta ikastolaren arteko kolaborazioa estua da; zazpi metro soka babestu egin du lizeoak
Pasaia-Lezo Lizeoaren eta Albaola Fundazioaren arteko kolaborazioak pausu bat gehiago eman du. Lehengo asteartean, hilak 3, ikastolako talde batek Faktoria bisitatu zuen eta kolaborazioaren ekitaldi sinbolikoa egin zuten: ikasleek zazpi metro soka eskuartean hartu eta estalpeko pasagunean kokatu ziren,
San Juan baleontzia inguratuz.
Aurrerantzean ikastolako ikasle guztiek Faktoria bisitatuko dute, 16. mendeko euskal itsas historia sakonean ezagutzera. Horrez gain, Lizeoko ikasle talde batek ikasturte honen azken hiruhilekoan txalupa tradizional bat bukatzeko aukera izango du. Txalupa hau mundu osoko ikasleek poliki-poliki lantzen eta osatzen joan dira, Faktorian egindako egonaldietan. Etxekoek bukatuko dute.
Albaolak gogorarazi nahi du lankidetza modu hau –
piezen mikromezenasgoa–
San Juan baleontziaren eraikuntzan laguntzeko enpresa eta norbanako orori zabalik dela.