Lehen jardunaldiko talde argazki bat
Girizia elkartearen pilota sailak antolatzen duen Euskal Herriko Pala Txapelketa irekiak lehen urratsak egin ditu asteburuan. Zehazki, Gizonen Mailako hamar partida jokatu dira asteburuan, lehen, bigarren eta hirugarren mailatakoak. Emakumeen lehia ere izango da, baina horiek egun beste hainbat lehiatan daude parte hartzen, eta horien egutegia egokitzekotan aurkitu dira Giriziako antolatzaileak.
Gizonen hiru mailetan 80 bikote sartuko dira orotara lehian. Horrek esan nahi du Euskal Herrian, gomazko pilotarekin jokatzen den txapelketa garrantzitsuena dela Madalensoro pilotalekuan jokatzen dena.
Lehen partida horiei dagokienez, sorpresarik ez zela izan adierazi dute Giriziako kideek, faboritoek irabazi zutela, alegia. Hala, larunbatean esaterako, bi bikote oiartzuar aritu ziren jokatzen, zorte ezberdinarekin: Virgilio-Roteta etxeko bikoteak (3. Mailan) Garmendia-Goikoetxea pareja 25-14 gainditu zuen; Juaristi-Erkizia gazte oiartzuarrek, berriz, ezin izan zuten Murua-Arruti bikotea gainditu (3. Mailakoa zen partida), 25-6 galduz. Gazteak izanda eta teniseko pilotarekin lehiatzera ohituta, nahikoa lan ona egin zuten bi gazte oiartzuarrek.
Honakoak dira asteburuko emaitzak:
Larunbatekoak
Gizonen Hirugarren Maila
- Virgilio-Roteta / Garmendia-Goikoetxea 25-14
- Isasa-Laskibar/Maneiro-Aizkorreta 25-23
- Garmendia-Zamalloa / Imaz-Elizalde 16-25
- Urigoitia-Iribar/Salegi-Juarez 13-25
- Duke I-Duke II/Rekarte I-Rekarte II 21-25
- Olaizola I-Olaizola II/Elizari-Urteaga 25-11
- Murua-Arruti/Juaristi-Erkizia 25-6
Igandekoak
Gizonen Hirugarren Maila
- Askaiturrieta-Juaristi/Erostarbe-Murgiondo 25-23
Gizonen Bigarren Maila
- Ormazabal-Goiburu/Arluziaga-Astiazaran 19-25
Gizonen Lehen Maila
- Errasti-Urdanpilleta/Ubeda Lopetegi 23-25
