
18:00etan hasiko da, anbulatorioan, odola emateko saioa
Oiartzungo odol emaileek biharko (hilak 17, asteartea) prestatu dute hurrengo odol erauzketa saioa. 18:00etatik aurrera joan daitezke elkartasun keinua egin nahi dutenak anbulatoriora. 20:00etan bukatuko da saioa.
Odola emateko aukera berriaren informazioa emateaz gain, Oiartzungo Odol Emaileen Elkarteak adierazi du azken erauzketan, abendukoan, 29 pertsona hurbildu zirela anbulatoriora odola ematera; horietatik bat bera ere ez zen berria. Horregatik, dei berezia egin diete inoiz ere odola eman ez dutenei, gazteei batik bat, odola eman dezaten, beti baitago beharra.
Abenduko erauzketan 16 pertsonak O+ klaseko odola eman zuten. Bina izan ziren O-, A+, A-, B+ eta AB+ klaseko odola eman zutenak.