IV. Kamera-Musikaren Astea hasiko da gaur Trintxerpen
Ostirala bitartean egunero izango dira kontzertuak, alkateordetzan, 20:00etatik aurrera, doan
Musikeneko ikasleen eskutik eta Pasaia Musikal Eskolak antolatuta, kamera-musikaren zaleek aukera paregabea izango dute datozen egunotan Trintxerpe. Lehengo ostiralean aurkeztu zuten aurtengo egitaraua Pasaia Musikal eskolako zuzendari Gorka Mirandak, Musikeneko zuzendari orde Maria Jose Canok, Pasaiako Udalako Kultura zinegotzi Juanra Canok eta musika eskolako jardueren koordinatzaile Juenje Neirak, kontzertuetarako aretoan bertan, alkateordetzan.
Musikeneko ordezkariak nabarmendu zuenez, Pasaiak urtero eskaintzen diena, oso aukera polita da ikasleentzat, eta esker ona agertu zuen, “gelan egiten dutena gizarteari erakusteko aukera” emateagatik. Aurten Pasaian eskainiko dituzten 5 kontzertuetan 30 ikaslek parte hartuko dutela zehaztu zuen, Musikeneko ikasleen %10.
Egitaraua:
Gaur:
Stretto trio
Bihar:
Kantu kontzertua
Etzi:
The Soul Messengers
Etzidamu:
Saxo taldea
Ostirala:
Be-Brass Quintet
