Oarso Bidasoko emakumeak ere kirola egitera kalera atera dira

Atzoko Donostiako 26. Lilatonean Oarso Bidasoko ehunka korrikalari izan ziren, eta gainera, aurre-aurrean egon ziren

2015/03/02

Pasaiako korrikalarien talde argazkia

Martxoaren 8aren harirako lehen ekitaldi jendetsua egin zuten atzo Donostian. Kirolean, eta zehazki korrikalarien probetan emakumeen presentzia eskatu, eta hori bultzatzen duen 26. Lilatona egin zuten. Bertan Oarso Bidasoko ehunka korrikalari izan ziren, taldeetan, edo norbanako modura. Horietako asko proba aurretik bildu ziren, elkarrekin beroketa ariketak egiteko. Horrela, Pasaiako ordezkariek talde argazkia atera zuten Gipuzkoa plazan proba hasi aurretik; sanjuandarrek ere eurena atera zuten. Helmugara iritsi ziren 3.616 korrikalarien artean, 165 Errenteria-Oreretakoak izan ziren, 124 irundarrak, 90 pasaitarrak, 64 oiartzuarrak, 46 lezoarrak eta 35 hondarribiarrak. Hortaz, Oarso Bidasoko 524 emakumek bukatu zuten Lilatoia.

Honakoak dira Oarsoaldeko eta Bidasoko hainbat korrikalari, atzo sailkapenaren aurrean ibili zirenak:

Ana Cruz (Pasaia): bosgarren sailkapen nagusian.
Marina Gonzalez (Irun): zortzigarren sailkapen nagusian.
Eneritz Arbelaitz (Oiartzun): bederatzigarren sailkapen nagusian.
Ane Zabala (Irun): 10. sailkapen nagusian.
Olatz Ibarguren (Errenteria-Orereta): 13. sailkapen nagusian, bigarren Beteranoen Mailan (argazkian).
Inma Cruz (Pasaia): 17. sailkapen nagusian.
Marisol Martinez (Irun): 19. sailkapen nagusian.
Agurtzane Zubizarreta (Oiartzun): 26. sailkapen nagusian.
Lurdes Mariezkurrena (Pasaia): 27. sailkapen nagusian, irabazlea 60 urtetik gorakoetan.
Edurne Jauregi (Pasaia): 28. sailkapen nagusian.
Aida Males (Irun): 31. sailkapen nagusian.
Amaia Intxausti (Lezo): 40. sailkapen nagusian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.