Oiartzunek Athletic txikitu du, lider jartzeko

Lokaztutako Karla Lekuonan 4-0 irabazi dute oiartzuarrek

Oarsoaldea

2015/03/02

Oiartzuarrak, goletako bat ospatzen

Ligako partida garrantzitsuena jokatu zuen larunbatean Bigarren Mailako Oiartzungo nesken taldeak. Athletic B taldea jaso, eta 4-0 mendean hartu zuten. Garaipen garbia, eta lidergoa. Bilbotarrak txikitu egin zituzten oiartzuarrek. Partida hasieran alde jarri zitzaizkien gauzak etxekoei. Laugarren minuturako 1-0 zihoazen irabazten neskak, eta hasiera onari, nahiz indar eta ausardia erakustaldiari esker, partida bere egin zuten: lehen zatiaren bukaeran 3-0 ziren aurretik OKEren neskak, Estiren hiru goli esker. Izan ere, zelaia ez zegoen joko politegia egiteko, lokaztuta zegoelako, beraz, indarreko partida izan zen larunbatekoa, eta horretan ere, Oiartzun nagusi. Bigarren zatian egin zuen Evelyn Santosek 4-0ekoa. Markagailua biribildu zuen. Hortaz, partida aise irabazi, eta lider, indar erakustaldi eta guzti. Sailkapen nagusian 49 puntu ditu orain Oiartzunek, eta 48 Athleticen bigarren atldeak. Zazpi jardunaldi falta dira liga bukatzeko. Ondoko argazkiak partidakoak dira, Javi Urola argazkilariak ateratakoak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.