Martxoaren 8ko Errenteriako manifestazioarekin bat egin dute Oarsoaldeko lau udalek

Oiartzun, Pasaia eta Lezotik zutabeak aterako dira Errenteria-Oreretako manifestazioarekin bat egiteko

2015/03/04

Zabalo, Perez de San Roman, Agirregabiria eta Lopez Etxezarreta

Emakumearen Nazioarteko Egunaren harira agerraldia egin zuten atzo Ainhoa Zabalo Lezoko alkateak, Aiora Perez de San Roman Oiartzungo alkateak, Amaia Agirregabiria Pasaiako alkateak, eta Garazi Lopez Etxezarreta Errenteriako Udaleko Berdintasun zinegutziak. Lau herrietako udalen izenean, bat egin zuten igandean Errenteria-Oreretan deituta dagoen manifestazioarekin eta “emakume eta gizon askeen Euskal Herria helburu”, lan egiteko konpromisoa berretsi zuten laurek. Hiru puntu adostu dituzte halaber, euren helburua lortze aldera Zabalok esan zuenez: “Gure herria biolentziarik gabeko eremua izateko bitartekoak jarriko ditugu Oarsaoldeko lau udalek; emakume elkarte eta mugimendu feministarekin elkarlana bultzatuko dugu; eta azkenik, gure herriko emakumeek bizitza duina izan dezaten politikak garatuko ditugu. Zutabeak herrietatik manifestazioarako Herriz herri Martxoaren 8aren harira antolatutako ekimenen berri ere eman zuten agerraldian, eta batez ere, igandean Errenteria-Oreretan izango den manifestazioan parte hartzera deitu zituzten herritar guztiak. Zutabeak antolatu direla zehaztu zuten gainera, Zabalok, Perez de San Romanek eta Agirregabiriak. Antxo eta Donibanetik, 12:00etan abiatuko dira zutabeak Errenteriako manifestazioarekin bate egiteko. Antxon Zumardian elkartuko dira eta Donibanen berriz, Meipin. Lezoren kasuan, 12:15ean bat egingo dute Andreone liburutegian Donibanetik datorren zutabearekin. Lezoko Emakume taldeak, Gaxuxak eta Ernaik bat egitera deitu dituzte lezoar guztiak. Oiartzuarrak 11:00etan egin dute hitzordua plazan bertan. Ordu horretan Feministak Plazara jaialdia hasiko dute eta manifestua irakurrita euren zutabea ere abiatu egingo da Errenteria-Oreretako manifestazioan parte hartzeko. Egitaraua herriz herri: Lezo

Martxoak 7a arte: Gaxuxa Emakume taldearen erakusketa Kultura aretoan. Astelehenetik ostiralera 10:30etik 13:30era eta 17:00etatik 19:00etara. Larunbatean, 11:00etatik 13:30era.
Lezo emakumearen ikuspegitik eta emakumearen ahalduntzearen gaineko hitzaldiak. Martxoan zehar egingo dituzte baina data zehazteko dago.
Gaxuxa Emakume Taldeak Lezoko puntu ilunen gainean egindako txostena aurkeztuko du. Martxoan zehar izango da baina data zehaztu gabe dago.

Errenteria-Orereta

Martxoaren 6tik 26ra: Erakusketa Xenpelar etxean: Industrializazioa, emakumeak eta lana Errenterian XIX eta XX. mendeetan. Astelehenetik larunbatera 17:00etatik 20:00etara.
Martxoak 6, ostirala: Disziplina anitzeko jaialdia Galtzaraborda kiroldegian 17:30ean.
Martxoak 7, larunbata: Mariasun Landa Sari banaketa Xenpelar Etxean 12:00etan.
Martxoak 7, larunbata: Kontzertua Txintxarrin 23:30ean.

Pasaia:

Martxoak 5, osteguna: Emakumeen osasun zainketarako gakoak. 18:00etatik 20:00etara.
Martxoak 5-12: Erakusketa Kamion herritarren lanekin.
Martxoak 7, larunbata: Poteo morea 19:30ean. Ondoren afari feminista eta sorpresa 21:30ean.
Martxoak 26, osteguna: Kultura anitzeko elkarrizketak jatorri askotariko emakume pasaitarren artean 17:00etatik 20:00etara.
Martxoak 27, ostirala: Batukada feminista 17:30etik 19:30era.

Oiartzun:

Martxoak 7a arte Oiartzungo emakume artisten erakusketa liburutegian.
Martxoak6, ostirala: Hitzaldia udaletxeko pleno aretoan: Herri kurdua erresistentziatik iraultzara: emakumeen borroka. Amagoia Zabaleta eta Maryam Fathi 18:30etik aurrera.
Martxoak 7, larunbata: Artistak Done Eztebe plazara. Puntoa, bolilloak, eta patchworka egingo dute bertan 13:30ean hasita.
Martxoak 8, igandea: Emakumeen bazkari feminista Girizian 14:30ean.
Martxoak 13, ostirala: Gazteen arteko harremanen inguruko solasaldia udaletxeko pleno aretoan 18:30ean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.