Udaleku irekien barruan hainbat irteera egiten dira, besteak beste
Bi txandatan banatuta, aurten ere Oiartzungo HH eta LHko ikasleek (oiartzuarrak edo bertan ikasten dutenak) udaleku irekietaz gozatzeko aukera izango dute uztailean. Lehen txanda uztailaren 1etik 15era da; bigarrena hil horretako 16tik 30era. Astelehenean (martxoak 16) irekiko dute horietan izena emateko epea. Bi asterako edo laurako eman daiteke izena.
Izena emateko bulegoa Mendiburu kaleko 5. zenbakiko bulegoan dago (atez atekoaren bulegoan), datorren astean astelehenetik asteazkenera (hilaren 16tik 18ra), eta hurrengoan astelehenetik ostiralera (hilaren 23tik 27ra alegia). Bulegoaren ordutegia honakoa da: goizez 08:30etik 11:30era, eta arratsaldez 14:30etik 18:30era.
Baldintzak eta eskakizunak
Izena emateko azken egunetik kanpo (hilaren 27a baino beranduago) ez da izena emateko aukerarik izango, ez da inor onartuko. Izena ematerakoan, berriz, gizarte segurantzaren txartela, kuotaren ordainagiria eta izen emate orria beteta entregatu behar dira.
Ordainketa, honako kontu zenbakian egin behar da (Laboral Kutxakoa da): ES66-3035 0126 64 1260048216. Prezioak eskatzen den zerbitzuaren araberakoak dira. Honakoak:
Bi asteko egonaldia
- 36 euro (normala).
- 49 euro (autobusa behar bada).
- 27,25 euro hiru ume matrikulatzen dituztenen prezioa, ume bakoitzeko (%25eko deskontua dute), egonaldi normalarekin.
- 37 euro hiru ume matrikulatzen dituztenen prezioa, ume bakoitzeko (%25eko deskontua dute), autobusa behar bada.
Lau asteko egonaldia
- 72 euro (normala).
- 98 euro (autobusa behar bada).
- 54,40 euro hiru ume matrikulatzen dituztenen prezioa, ume bakoitzeko (%25eko deskontua dute), egonaldi normalarekin.
- 74 euro hiru ume matrikulatzen dituztenen prezioa, ume bakoitzeko (%25eko deskontua dute), autobusa behar bada.
Horren guztiaren informazio gehiago behar duenak, hainbat aukera ditu hori eskuratzeko:
Begiraleak behar dira
Bestalde, udaleku irekietarako begiraleak behar direla jakinarazi dute bertako arduradunek. Horiek curriculumak bidali behar dituzte udalekuetan lan egin nahi badute,
posta elektronikoz.
