Igandeko partidetako hainbat kirolari
Euskal Herriko Pala Txapelketa irekiaren barruko bederatzi partida jokatu ziren aurreko asteburuan; bat ez zen jokatu, jokalari baten lesioa medio. Girizia elkartearen pilota sailetik esan dutenez, oreka nahiz maila handiko partidak izan ziren larunbatean eta igandean jokatutakoak.
Igandean, esaterako, Gelbentzu-Olasagasti bikote oiartzuarrak 25-20 gainditu zuen Unsain-Fierro bikoa, partida txukun eta serioa eginez; aurrera egiteko aukera dute horrela oiartzuarrek (Getaria da Olasagastiren ohiko bikotea, baina lesioa du Getariak eta Gelbentzuk jokatu zuen haren ordez).
Honakoak izan dira asteburuko emaitzak:
Lehen Mailako partidak
- Elejalde-Gomez/Etxebegure.-Azpeitia 9-25
Bigarren Mailako partidak
- Legarreta-Legarreta/Urreisti-Nuin 24-25
- Aroztegi-Aroztegi/Barbulo-Luarizayerdi 24-25
- Berho-Goñi/Biana-Marin 25-20
- Matxain-Polo/Zapirain-Alvarez 18-25
- Ormazabal-Goiburu/Malik-Manterola 25-16
Hirugarren Mailako partidak
- Alzaga-Saez/Murua-Arruti 12-25
- Salegi-Juarez/Epelde-Azpiroz 18-25
- Gelbentzu-Olasagastik/Unsain-Fierro 25-20
Hurrengo asteburuan txapelketaren barruko beste hamar partida jokatuko dira. Larunbat goizean, 08:30etik aurrera lau; larunbat arratsaldean, 15:00etatik aurrera bi; eta igande goizean, 08:30etik aurrera, beste lau. Partida guztiak Madalensoro pilotalekuan dira.
