Apirilerako erabilgarri egongo da Antxoko pilotaleku berria

Pilota modalitate guztietan jokatzeko aukera eskainiko du, eta lurra markatuko dute hainbat kirol modalitatetan aritu ahal izateko.

olatz mitxelena

Pasaia

2015/03/13

Frontoiaren kanpoaldean rokodromoa eta adinduentzako parkea egokitzen ari dira

Aurreikuspenak betetzen badira Antxoko pilotaleku berria apirilerako bukatuta eta erabiltzeko moduan egongo dela iragarri du udalak. Irrikaz itxaroten dute unea antxotarrek, urteetako gabezi bati erantzungo diolako, azkenik, azpiegitura berriak. Udalak zehaztu duenez, pilotalekuak “Euskal Herrian eraikitzen diren frontoiek izaten dituzten ohiko neurriak izango ditu, hau da 36 metro luze”, eta euskal pilota modalitate guztietan aritzeko modua izango dela aurreratu dute, “Pilota Federazioak homologatutako neurriak betetzen” dituelako. Baina pilotaz harago, azpiegitura bestelako kirol modalitateetarako egokituko dute. Eskola Kirola praktikatu ahal izango dute haurrek bertan, eta lurra markatuko dute minibasket, futbito eta eskubaloira jokatu ahal izateko. Halaber, frontoiaren kanpoaldean rokodromo bat jarri dute, eta inguruan dagoen parkean adinduentzako kirola egiteko zirkuitu bat. Kirol taldeek ez ezik, frontoia edonork orduka alokatu ahal izango du bere kirol jarduerarako. Bestetik, asteburutan zenbait orduz zabalik egongo da eta erabilera librea izango dela iragarri dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.