
Erakundeetako eta kirol arduradunak, zolu berrian
Belar artifizial berria jarri dute Trintxerpeko Andonaegiko zelaian, futbolean zein hockeyean aritzeko belar artifizial egokia. Azkueneko kirol gunean ere jarri dute belar artifiziala, eta lan horiek guztiak bisitatzen aldundiko kirol zuzendari Asier Sarriegi izan da gaur, Trintxerpeko alkateorde Miguel Mari Torreak lagunduta.
Guztira 138.183 euro inbertitu dituzte berritze lanetan. Belarra ez ezik, ureztatze sistema berria eta plastikozko aulki berriak jarri dituzte harmailetan. Horrez gai, ikusleentzako eremu osoa margotu dute, eta markagailu berria jarri.
Aurten, gimnasioa
Aurtengo aurrekontuan 104.450 euro onartu ditu udalak, kirol ekipamendua hobetzen joateko. Zehaztu dutenez, Trintxerpeko kirol guneko gimnasioa konpontzeko asmoa dute. Berritze lanen kostuen heren bat udalak hartuko du bere gain eta gainontzekoa aldundiak finantzatuko du.
Azkenik, 2016an futbol zelaian aldagela berriak egitea aurreikusi dutela iragarri dute.