Zabalik da Azokan Antxo Eraikiz prozesuari lotutako erakusketa
Atzo inauguratu zuten erakusketa informatiboan herritarren ekarpen eta proposamenak bildutko dituzte
Antxo Eraikiz prozesuaren barruko hirugarren parte hartze prozesua abiatuko da hilaren 25ean, antxotarrek etorkizuneko Antxo nola eraiki nahi duten eztabaidatu eta hausnartu dezaten. Zentzu horretan, Azokan zabaldu duten erakusketaren asmoa da iraganean egindako urratsen berri eman eta “aldagai berrien inguruko hausnarketa egin ahal izateko informazio ematea”.
Bide batez, herritarren proposamenak eta ekarpenak jasotzeko bidea jarri du udalak. Azokako erakusketa bisitatzen dutenek, han bertan egin ahal izango dituzten beren ekarpenak, eta edozer arrazoi dela medio erakusketa bisitatzerik ez dutenek, Interneten topa dezakete erakusketan ikusgai dagoen informazio berbera, baita ekarpenak egiteko aukera ere. 
