Xanistebanetako kartel lehiaketa martxan jarri dute

Maiatzaren 29ra arte bidal daitezke lanak udaletxeko informazio bulegora

oarsoaldea

2015/03/27

Genero berdintasuna kontuan hartuko dute epaimahaiko kideek

Martxan da Xanistebanetako Kartel Lehiaketa. Bidal daitezke lanak dagoeneko. Horiek udaletxeko informazio bulegoan utz daitezkeela adierazi du udalak, eta maiatzaren 29a baino lehenago eman behar direla. Hainbat baldintza bete behar dituzte parte hartzaileek:

Kartelaren neurria 70×50 zentimetrokoa izan behar da.
Nahi den teknikarekin egin daiteke.
Nahitaez, Xanistebanak 2015 leloak agertu behar du.
Nahi duen orok parte har dezake.
Lan bat baino gehiago aurkez ditzake pertsona berberak.
Genero berdintasuna bermatzeko irizpideak kontuan hartuko dira.
Epaimahai lana pinturaren arloan dabiltzan oiartzuarrek eta Jai Batzordeko kideek osatuko dute.

Festa batzordeak orotara bost sari banatuko ditu:

Irabazlea: 600 euroko diru saria, jarriko diren karteletan festen irudia izango da, baita egitarauan nahiz Oiartzun urtekarian ere.
Oiartzuar batek egindako kartel onenari saria: 300 euroko diru saria.
Bi akzesit.
Margosoroko beka.

‘Oiartzun’ Urtekarirako idazlanak Bestalde, Urtekari Batzordea jada hasi da aurtengo Oiartzun urtekaria prestatzen. Bertarako idazlanak aurkeztu nahi dituzten talde, eragile, elkarte edo norbanakoek Kultura Sailean utzi behar dituzte ekarpenak, maiatzaren lehena baino lehen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.