Greziatik ere igaro da Korrika, sanjuandar baten ekimenez
Jatorri askotako lagunak bildu ziren euskararen aldeko lasterketara
Asier Izagirre sanjuandar gaztea Euskal filologiako ikasketak bukatu eta boluntario lanean ari da aurten Grezian. Thessaloniki hirian Korrika antolatu zuen lehengo asteartean, eta kontatu duenez, jatorri askotako jendea bildu zen korri egitera. AEKk erraztutako pankartaren atzean bi kilometro egin zituzten korrika, euskararen alde oihu eginez. Izagirre kontatu duenez mundu osoko jendea bildu zen: “Euskaldunak, espainolak, frantsesak, greziarrak, estoniarrak, turkoak, italiarrak, txekiarrak, poloniarrak eta ukrainarra” tartean.
