OKE-ren gizonen taldea, azken hatsera arte borrokan

Zamudioren etxean jokatuko du bihar; emakumeek Gazte Berriak taldearen bisita jasoko dute

2015/04/10

Oiartzun KEren gizonen taldea

Azken jardunaldian etxean Berioren kontra 0-2 galdu arren, bizirik dago Oiartzun Kirol Elkartearen (OKE) gizonen futbol talde nagusia, 3. Mailakoa. Azken partidetan susperraldia-edo eduki dute Gari Argotek entrenatutakoek, nahiz eta gora-beherez betetako hobealdia izan. Hala ere, jardunaldi gutxitan 13 puntutik 20ra pasatu dira, eta horrek aukera eman die arnasa hartzeko. Hurrengo partida bihar (larunbata) dute, Zamudioren etxean. Sailkapenaren erdialdean dago talde bizkaitarra, gora begira ezer egiteko aukerarik gabe, beheko taldeak urrun dituela. Lasaitasun hori baliatu behar luke Oiartzunen irabazten saiatzeko. Biharkoekin, 18 puntu egongo dira jokoan sasoia bukatu arte sei partidatan. Denak lortzea ezinezkoa izan daiteke, baina horiek borrokatu behar ditu. Emakumeen partida erraza Jokatu baino lehen, partida erraza diruri Oiartzunen emakumeen talde nagusiak, Bigarren Mailakoak, etzi eguerdian (12:00etan) jokatuko duena. Gazte Berriak azkenaurrekoaren bisita jasoko du, hortaz, itxuraz, garbi irabazi beharreko partida da. 95 gol dituzte alde emakumeek: 100era iritsiko al dira igandean? Etzikoarekin, hiru partida falta dira liga bukatzeko. Dena ondo joanez gero, lider bukatuko dute oiartzuarrek euren taldean. Ondoren igoko dira maila nagusira igotzeko kanporaketak, sasoi osoan borrokatzen egon diren lehia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.