
Hibaikako neskak Gipuzkoako Batel Txapelketa irabazi dute, neska promesetan
Asteburuan Gipuzkoako Batel Txapelketa jokatu da San Pedron, eta eskualdeko batelen artetik, Hibaikako Promesen mailako nesken batelak lortu du garaipenik garrantzitsuena, Gipuzkoako Batel Txapelketa irabazita.
Senior mailan, mutiletan, San Juan bigarren izan da, Orioren atzetik; senior nesketan, berriz, Hibaikak lortu du bigarren postua, Zumaiaren atzetik, eta neska sanjuandarrak izan dira hirugarrenak.
Gazte Mailan, mutiletan, San Juango batela izan da bigarren, eta hirugarrena Hibaikakoa, Orioren atzetik biak ere.
Illunberen batela, kadete mutiletan, hirugarren sailkatu zen, Orio eta Hernaniren atzetik. San Juango eta San Pedroko batelek, kadete mutiletan ez zuten sailkatzerik lortu.
Haurren mailan, mutiletan, Hibaika hirugarren izan zen, Orio eta Tolosaldearen atzetik hurrenez hurren, eta nesketan, Hibaika bigarren izan zen, Orioren atzetik.
Ziaboga onenaren saria, Hibaikako Naroa Galdosek seniorretan eta talde bereko Inge Ugartek irabazi zuten, azken honek Promesen mailan.