Azken urteetako partaidetzarik handiena izan da Klub Atletiko Trintxerperen proban
140 bat korrikalarik eman zuten izena
Larunbatean egin zen Pasaiako VIII. Mendi Lasterketa, Klub Atletiko Trintxerpek (KAT) antolatua beti bezala. Gizonetan Javier Perez irundarra izan zen irabazlea, eta emakumeetan Nerea Amilibia aiarra. Biek ala biek denbora izugarri ona egin zuten, eguraldia lagun izan zutelako, eta ibilbidea, latza izan arren, nahikoa lehor zegoelako. Gainera, inoizko partaidetzarik handiena izan zen. izen emateetan 140 bat kirolari izanik, nahiz eta helmugara ia 120 iritsi. 13 kilometrokoa zen proba, San Pedroko pilotaleku ondotik hasi eta hor bukatu zen.
Eta partaideen artean, nabarmentzekoa da gehienak Pasaia ingurukoak izan zirela, Oarsoaldekoak, Bidasokoak, eta Donostialdekoak. Horrek esan nahi du indarra hartzen ari dela proba urteen poderioz, mendiko distantzia motzeko lasterketen artean erreferentzia zaharrenetakoa izatera iritsiz.
Bi zehaztapen: ibilbidea Uliatik zehar izan zen, eta hori baliatu nahi izan zuten antolatzaileek Pasaiako mugak aldarrikatzeko, 1805ean ezarri zirenak, alegia. Bestetik, emakume kirolariei ere aitortza egin zieten, lehen 15ei sariak eman zizkietelako.
Hortaz, honakoa da probaren palmaresa, laburtua. Sailkapen osoaren PDFa ere prestatu du HITZA-k, baita irudi galeria ere (behean).
Gizonen sailkapena (lehen seiak)
- Javier Perez (Irun): 53:46
- Iñigo Tumas (Hondarribia): 55:56
- Javier Delgado (Hendaia): 57:13
- Mikel Hoyos (Errenteria-Orereta): 58:06
- Richard Rivera (Lezo): 58:08
- Julen Berrotaran (Pasai Donibane): 58:14
Emakumeen sailkapena (lehen seiak)
- Nerea Amilibia (Aia): 1:03:22
- Begoña Julian (Altza): 1:03:50
- Ana Cruz (Pasaia): 1:08:36
- Onintza Mitxelena (Oiartzun): 1:08:54
- Maider Pagola (Legazpia): 1:09:40
- Naiara Casi (Larratxo): 1:12:22
Lehen pasaitarra
- Julen Berrotaran (Pasai Donibane)
KATeko lehena
[nggallery id=33]
Pasaiako VIII. Mendi Lasterketa 2015, sailkapena
