Correoseko langileek pertsonal falta salatu dute

Lan baldintzen okerragotzea salatzeko elkarretaratzeak egiten hasiak dira

olatz mitxelena

2015/04/14

Correoseko langileak, Oiartzungo plazan

Oiartzunen ostegunero egingo dituzte elkarretaratzeak, postetxearen parean, 10:40etik 11:00etara, eta Irunen, herritarrak hartzeko bulegoan–Luis Mariano kalean–, astelehenero, 11:00etatik 12:00etara. Enpleguaren alde eta zerbitzuaren kalitatea aldarrikatzeko egingo dituzte elkarretaratzeak. Langileek salatu dutenez, azken bost urtetan pertsonalaren %25 murriztu dute Correosen. Langileek diotenez, Correos SEPIn txertatuz geroztik hasi omen da enplegu galera, nahiz eta,,Correos izan SEPIn etekinak eragiten dituen enpresa gutxienetakoa. Gutunen eta zerbitzu postal tradizionalen gainbeherarekin lotzen dituzte Correosek eta SEPIk murrizketak, baina Internet bidezko salmentek paketeriaren gorakada eragin dutela nabarmendu dute langileek, baita udaletako, epaitegietako eta bestelako erakundeen jakinarazpenen administratiboek ere. Pertsonala murriztuta Correosek zerbitzuaren gutxieneko kalitatea ezin duela bermatu salatu dute langileek, eta zerbitzuaren okerragotzea, bulegoetako ilara luzeetan nabaritzeaz gain, langileen osasunaren kaltetan jokatzen ari dela salatu dute, pertsonala falta denez lan kargak handitzen ari direlako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.