Errenta aitorpena euskaraz egiteko deia egin dute

Ttur-ttur Euskaltzaleon Bilguneak eta Oiartzungo Udalak Baietz %35! Aukeratu euskaraz bizitzea! kanpaina jarri dute martxan herriko hainbat finantza erakunde eta aholkularitzaren babesarekin.

eihartze aramendia

Oiartzun

2015/04/14

Udaleko eta Ttur-ttureko ordezkariak herriko hainbat aholkularitza eta finantza erakundeetako kideekin gaur egindako agerraldian

Hilaren 17tik ekainaren 24a bitarte errenta aitorpena egiteko kanpaina izango da eta aurreko urteetan bezala, Ttur-ttur Euskaltzaleon Bilguneak eta Oiartzungo Udalak aitorpena euskaraz egitera animatu nahi dituzte herritarrak. Hala, bertako aholkularitza zein finantza erakundeen babesa jaso dute Baietz %35! Aukeratu euskaraz bizitzea! kanpainan. 2004ko errenta aitorpena %6,2k egin zuten euskaraz eta iaz egindakoa %32,61ek. “Urtez urteko emaitzak pozgarriak dira, gero eta oiartzuar gehiagok egiten dutelako errenta aitorpena euskaraz. Bide onetik goaz, baina oraindik bada jendea pauso hori emateko duena”, adierazi dute. Errentaren kanpainak irauten duen bitartean finantza erakundeetan eta Oiartzungo aholkularitzetan hainbat material nahiz baliabide topatu ahal izango dira; hala nola, errenta aitorpena euskaraz egiteko hiztegia. Kanpainari babesa eman diotenak hauek dira: Kutxabank, La Caixa, Nafarroako Rural Kutxa, Sabadell Guipuzcoano, BBVA, Euskadiko Kutxa, Zubillaga Aholkularitza eta Lurgintza nekazarien kooperatiba.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.