Donibanen larunbaterako deitu dute joste eguna; Antxon, pasa den ostiralean aurkeztu zuten ekainaren 21eko iniziatiba, eta herriko joste eguna maiatzaren 25erako iragarri zuten
Antxotarrak, erabakitzeko eskubidearen alde, Gure Esku Dagok deituta
Ekainaren 21a gerturatu ahala, biderkatzen doaz han eta hemen joste lanetara biltzeko deialdiak. Pasaian ere jostunen bila hasia da
Gure Esku Dago iniziatiba. Donibanen, esaterako, larunbaterako deitu dute joste eguna. 12:00etarako luzatu dute deia, Santiago plazan bildu eta “oihalak josiz, etorkizuna ehuntzen hasteko”.
Antxoko joste eguna, maiatzaren 25ean
Antxoko taldea, ordea, maiatzaren 25erako antolatzen ari da joste eguna. Lehengo larunbatean iragarri zuten deialdia, Gure Zumardian egindako aurkezpenean. Erabakitzeko eskubidearen alde ekainaren 21ean Donostian egingo den ekitaldiaren nondik norakoak azaldu zituzten bideo bidez, eta bide batez, herritarrei, joste lanetara biltzeko gonbitea luzatu zieten. Oihalak erosi eta iniziatiban saretzeko, Leunda tabernara jo behar dute interesdunek. Maiatzaren 25ean Antxon ordura arte saldutako oihal zati guztiak josiko dituzte.
[nggallery id=35]