Oihal zatiak josiko dituzte Doneztebe plazara bertaratzen direnek. Mural margoketa, kale animazioa... ere izango da. Ekainaren 21ari begira jarrita daude herrian.
Oihalak prest dituzte herriko hainbat taldek; argazkian Oiartzungo Itsaslapurrak arraun taldeko kideak (Arg.: Oiartzungo Gure Esku Dago)
Oiartzuarrak ekainaren 21ari begira jarrita daude dagoeneko. Egun horretan
Gure Esku Dago ekimenak bultzatuta, hautestontzi erraldoiak eraikitzea da asmoa, hiriburuetako estadioak betez. Hautestontzi erraldoi horiek betetzeko ezinbesteko elementuak izango dira oihal-zatiak, herriz herri egindakoak. Oiartzunen dagoeneko oihal zati batzuk apaindu dituzte eta ostiral honetan, hilak 24, zati horiek elkarren artean josiko dituzte, Joste egunean.
18:00etatik 20:00etara izango da, Doneztebe plazan. Joste tailerraz gain, haurrentzako jolasak egongo dira, mural margoketa eta kale animazioa egongo dira, besteak beste.