Nahikari Otermin: "pasaitarrekin elkarlanean, bestelako Pasaia eraiki nahi dugu"
Atzo arratsaldean aurkeztu zuen EAJk bere hautagaien zerrenda, Markel Olano ondoan zela
Nahikari Otermin da zerrendaburu, eta ondoren daude: Sergio Ekiza, Miriam Cano, Aitor Iturbe, Erik Rios, Arantxa Larrea, Juan Carlos Martin, Maialen Arrieta, Silvia Rodriguez, Urko Bidegain, Isabel Arrillaga, Jon Samaniego, Ana Riobo, Eduardo José Egaña, Eluxka Omil, Jose Juan Zubillaga, José Manual Anso, Fernando Trincado, Carlos Garate eta Begoña Lopetegi.
Atzoko aurkezpenean Nahikari Otermin alkategaiak esan zuenez, EAJk hautagaitza “sendoa” aurkeztu du, “Pasaia hobetzeko eta pasaitarren benetako beharrei erantzuteko”.
“Lan egiteko ilusio eta gogoa” duela esan zuen Oterminek eta beren oinarriak “kudeaketa ona, gobernu ona, gardentasuna, hurbiltasuna eta entzute aktiboa” izango direla esan zuen. Oterminen arabera “Pasaiak aldaketa behar du, inposizioan eta konfrontazioan oinarrituko ez den gobernua”. Ildo beretik, “pasaitar guztientzat aginduko duen” gobernua eratzeko konpromisoa hartu zuen eta “pasaitar askok nahi duten aldaketa gauzatzeko, pasaitar guztiei beren babesa” eskatu zien.
