Denis Itxaso: "sozialistok atez atekoaren kontrako kontsulta irabaziko dugu"

Trintxerpen egin ditu adierazpenak PSE-EEren ahaldun nagusirako hautagaiak, Izaskun Gomez alkategaiarekin batera egindako agerraldian

olatz mitxelena

Pasaia

2015/04/30

Lore Suarez, Izaskun Gomez, Denis Itxaso, Aitor Gonzalez, eta Maite Cruzado, Azkuenen

Atez atekoa “zikina, deserosoa eta garestia” dela iritzi dio PSE-EEk, eta Pasaian “EH Bilduk inposatuta eta Ezker Anitzaren konplizitateaz” ezarri dutela kritikatu dute. Atzo egin zituen adierazpenak sozialisten aldundirako hautagai Denis Itxasok, Trintxerpeko Azkuene auzora egindako bisitan. Agerraldian, Pasaiako alkategai Izaskun Gomezek, eta Lore Suarez zinegotziak parte hartu zuten baita ere, eta haiekin egon ziren aldundirako hautagai Maite Cruzado eta Aitor Gonzalez. Udal hauteskundeetan irabaztekotan “herritarren agindua ulertu” eta “edukiontziak kalera” itzuliko dituztela esan zuen Itxasok. 600.000 euro hilero Itxasoren arabera, “Bilduren gobernua 600.000 eurotik gora ordaintzen ari da hilero errauste planta eraikitzeko banketxeekin adostutako maileguen truke, nahiz eta azpiegitura baztertu”. Fiskaltza kasua ikertzen ari dela esan zuen Itxasok, eta EH Bildu dokumentazioaren entrega atzeratzen ari dela salatu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.