Urpekaritza, arrantza eta bela aukeran, udako kirol eskaintzan

Oarsoaldeko udalek udako kirol eskaintza aurkeztu dute gaur eguerdian Donibanen; aurten ur kiroletan dauden berritasunak nabarmendu dituzte

olatz mitxelena

Errenteria-Orereta,Lezo,Oiartzun,Pasaia

2015/04/30

Pasaiako, Oiartzungo eta Lezoko kirol zinegotziak udako kanpainaren aurkezpenean

Kirol eskaintza oparoa antolatu dute Oarsoaldeko udalek udarako. 35 jarduera baino gehiago prestatu dituzte, haur, gazte, eta aurten lehenbizikoz baita helduentzat ere. Berritasun nagusia, oraingoan, ur kirolen eskutik heldu dela nabarmendu dute kirol zinegotziek gaur eguerdian Donibanen egin duten aurkezpenean. Esan dutenez, ohikoez gain, hiru kirol berri eskainiko dituzte aurten: arrantza, bela eta urpekaritza. Lehorrean egiteko jardueren artetik beste berritasun bat ere aipatu dute. Hala, Zirkua parkean deritzan ikastaroan izena ematen dutenek malabarismoa, oreka jolasak eta inguru irekian egiteko aproposak diren bestelako jarduerak praktikatzeko aukera izango dutela azaldu dute. Teknikarien lana eskertu dute Eskaintza aurkezteko egin duten agerraldia, kirol teknikarien lana eskertzeko baliatu dute kirol zinegotziek, beraiek erabakiak hartu, baina lan karga handiena teknikariena dela aitortuz. Era berean, kirol mahaia legegintzaldi honetan osatu dutela nabarmendu dute, eta mahairen osaketak ekarri dituen onurak goraipatu. Elkarlanak baliabideak optimizatu eta eskaintza aberasteko baliagarri izan dela sinetsita daude kirol zinegotziek. Eskaintza osotasunean ikusi zein jarduera bakoitzaren gaineko informazio zehatzagoa eskuratzeko udaletako webguneetara jo daiteke, edo bestela norbere herriko kirol instalazioetara.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.