Gipuzkoako Bertsolari Txapelketarako sailkapen fasea da Gipuzkoa Bertsotan; lehenengo itzuliko bigarren saioa Oiartzunen izango da. Ander Lizarralde oiartzuarrak lehenengo saioan parte hartuko du.
![Ander Lizarralde](http://oarsoaldea.hitza.eus/site/files/2013/02/Andel-Lizarralde_WEB-300x300.jpg)
Ander Lizarraldek sailkapen fasean parte hartuko du
Gipuzkoako Bertsolari Txapelketarako sailkapen fasea da
Gipuzkoa Bertsotan eta larunbat honetan abiatuko da Astigarragan. Lehenengo itzuliko bigarren saioa Oiartzunen izango da, igandean (hilak 10). Guztira 74 bertsolarik parte hartuko dute Gipuzkoa Bertsotan-en eta horien artean izango da Ander Lizarralde oiartzuarra. 74 horietatik 30 sailkatuko dira txapelketan.
Oiartzungo saioak, besteak bezala, goiz eta arratsalde hartu ditu. Goizean, 11:30etik aurrera, Joseba Agirre Orbegozo, Aratz Igartzabal Bidegain, Oihana Iguaran Barandiaran, Antton Fernandez Lasa, Maialen Akizu Bidegain eta Amaia Iturriotz Etxaniz arituko dira; eta arratsaldean, 17:30etik aurrera, Eneko Araiztegi Agirre, Odei Lopez Larruri, Manu Goiogana Bengoetxea, Mikel Artola Izagirre, Ibai Esoain Arruti eta Eñaut Martikorena Lizaso. Goizeko zein arratsaldeko saioak udaletxeko areto nagusian izango dira.
Lizarralde bertsolari oiartzuarra sailkapen faseko lehenengo saioan arituko da bertsotan (Astigarragako Kultur Etxean, 17:30etik aurrera).
Txapelketa irailaren 20an
Gipuzkoako Bertsolari Txapelketa irailaren 20an hasi eta abenduaren 20an bukatuko da Donostian. Saioetako sarrerak egun berean salduko dira aretoan. Bertsozale Elkarteko bazkideek eta 16 urtetik beherakoek prezio berezia izango dute, 4 euro saioko. Bestalde, eguneko bi saioak prezio berezian ikusteko aukera izango dute, 6 euroan eguneko bi saioak. Gainerakoentzako, saioko sarrera 6 eurokoa da eta eguneko bi saioaka ikusteko, 9 euro.