Auzokonposta guneetan tutoretza saioak egingo dituzte bihar
Zalantzak argitu eta argibideak emango ditu Elkarrekin 21 Ingurumen aholkularitzak
Auzokonposta guneetan tutoretza saioak egingo ditu bihar Elkarrekin 21 Ingurumen aholkularitzak erabiltzaileekin. Iazko azaroan hasi ziren hainbat lezoar etxeko biohondakina konpostatzen eta ordutik astero jarraipen bisitak egin ditu Elkarrekin 21 Ingurumen aholkularitzak.
Urte berriarekin auzokonpostara kide berriak batzen joan direla esan dute udaletik, eta horren harira azken hilabeteetan hainbat formazio saio labur antolatu dituztela. Biharkoa horietako bat izango da. Erabiltzaile berrien zein dagoeneko konpostatzen ari diren lezoarren zalantzak argitzea du helburu aholkularitza taldeak. Saioak hamar minutukoak izango dira eta 13:00etan hasita, andreone atzealdea, Aralar, Arretxene-Txulotxo, San Pedro Pysbe, Lopene eta Altamirako auzokonposta guneetatik pasako dira.
Bisitak gunez gune:
- Andreone atzealdea: 13:00.
- Aralar: 13:15.
- Arretxene-Txulotxo: 13:45.
- SanPedro-Pysbe: 14:00.
- Lopene: 14:15.
- Altamira: 14:45.
