EH Bildu herritarrekin solastuko da

Aste honetan Trintxerpen eta San Pedron izango dira solasaldiak, eta hurrengo astean, Antxon eta Donibanen

olatz mitxelena

2015/05/11

Mikel Garcia, Migel Mari Torrea eta Oihane Oronoz, solasaldien aurkezpenean

Herritarrekin solasaldiak antolatu ditu Pasaiako EH Bilduk, herritarren iritziak, ekarpenak, zalantzak zein kritikaz aurrez aurre entzun eta erantzuteko. “Gure mezua zabaltzeko ez dugu pulpiturik jarriko”, esan dute, “pasaitarrekin batera arituko gara, denok maila berean, inor ez beste inoren gainetik”, gaineratu dute. Barruti guztietan egingo dituzte solasaldiak. Aste honetan Trintxerpen eta San Pedron, eta hurrengo astean Antxon eta Donibanen. EH Bilduk iragarri duenez, pasaitarren iritziak jasotzea da lehentasuna, baina bidez batez, solasaldien bitartez, herritarrei beren asmoen berri helarazi nahi dizkietela azaldu dute. Solasaldietan Migel Mari Torrea alkategaiak #harigara prozesuan osatu duten herri programaren zertzelada nagusiak azalduko ditu, eta ondoren, tokian toki, alkateorde kargurako hautagaiek barruti bakoitzerako zer asmo dituzten azalduko dute. Azalpenen ondoren, herritarren iritziak biltzeko txanda zabalduko dute. EH Bilduk jakinarazi duenez, Trintxerpeko alkategaia Maider Ziganda izango litzateke; San Pedrokoa Migel Mari Torrea; Donibanekoa Jurgi Aldalur eta Antxokoa Mikel Garcia. Solasaldiak: Bihar, asteartea: 19:00: Trintxerpeko Gernika plazan. Osteguna, hilak 14: 19:00: San Pedroko frontoian. Hilak 19, asteartea: 19:00: Antxoko Gure Zumardian. Hilak 21, osteguna: 19:00: Donibaneko Meipin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.