Itsaslapurren I. Emakumeen arteko kirol erronka izango da larunbat honetan. Lau talde elkarren kontra arituko dira.
Emarriko kideak
Larunbat honetan, hilak 16, Madalensoro pilotalekua kirol askoren topaleku izango da. Oiartzungo Itsaslapurrak eta udalak antolatuta, Itsaslapurren I. Emakumeen arteko kirol erronka izango da 17:00etatik aurrera.
Oiartzungo Emarri Giza Probako neskak, Hernani Errugbi taldeko neskak, San Juan–Oiartzun arraun elkarteetako neskak eta
Conquistador del fin del mundo telebista saioko neskak elkarren kontra arituko dira. Proba desberdinak egin beharko dituzte: sokatira, 500 metro erreleboka arituz ergometroa, pilota eta ginkana.
Horrez gain, CrossFit erakustaldia, Haurtzaro dantza taldea, Rap emanaldia eta pilota partida (pilotari profesional -Urruzola eta Altuna III- eta herriko pilotari gazteen artekoa) izango dira. Haur txokoa ere egongo da. Sarrerak bost euro balio du.
Egitaraua
17:00: Aurkezpena.
17:20: Sokatira.
17:50: Haurtzaro Dantza Taldea.
Ondoren: Pilota.
18:00: Crossfit.
18:30: Ergometroa.
19:00: Rap emanaldia.
19:15: Pilota erakustaldia.
19:45: Ginkana.
20:10: Sari banaketa.
Trainerua herriko plazan
Igandean Oiartzungo Itsaslapurren trainerua herrian barrena ibili eta Doneztebe plazan jarri zuten ikusgai. Ergometro bat ere jarri zuten, nahi zuen orok probatzeko.
Oiartzungo Itsaslapurren trainerua plazan
Ergometro bat jarri zuten jendeak probatzeko
