"Denontzat tokia izango duen hezkuntza eredua martxan jarri nahi dugu"

LOMCE eta Heziberri ez eta Gure hezkuntza eraiki zioten kartelekin hamarnaka eta hamarnaka herritar bildu dira Doneztebe plazan.

eihartze aramendia

Oiartzun

2015/05/13

Oiartzun Hezkuntza Topagunea aurkeztu dute gaur arratsaldean

LOMCE eta Heziberri ez eta Gure hezkuntza eraiki zioten kartelekin hamarnaka eta hamarnaka herritar bildu dira Doneztebe plazan arratsaldean. Oiartzungo Hezkuntza Topagunea aurkeztu dute, herriko eta Euskal Herriko hezkuntza ereduari buruz gogoeta egin eta aurrerapausoak emateko asmoz sortu den plataforma. “Denontzat tokia izango duen hezkuntza eredua martxan jarri nahi dugu”, adierazi dute ozenki. Argi azaldu dute ez dituztela “Espainiatik inposatutako hezkuntza legeak nahi”, ez orain arteko ezta LOMCE edota Heziberri ere; Euskal Herriak hezkuntza sare propioa garatu behar du euren ustez, “eta oiartzuarrok gure ale txikia jarri nahi dugu hemendik hasita, Oiartzundik”. Lege horien aurka egotearen arrazoiak azaldu dituzte: “Euskara eta euskal kultura heriotzara kondenatzen dute, baztertzailea da eta ikasleak erabat mailakatu eta bakartzen ditu; autoritarioa da, familien eta herritarren parte hartzea zailtzen du, erlijioa inposatzen du, ikasleen berezitasunen errealitatetik urrun dagoen hezkuntza inposatu nahi du, sistema merkantilista baten beharrei erantzuten die…”. Kalitatezko hezkuntzaren alde Oiartzun herri hezitzaile baten aldeko apustua egiten ari direla nabarmendu dute eta kalitatezko hezkuntzaren alde daudela aldarrikatu. Horrengatik guztiagatik elkarlanari ekin diote besteak beste Haurtzaro Ikastolak, Elizalde Herri Eskolak, eragile desberdinek eta norbanakoek. Herritarrak informatzen eta sentsibilizazio kanpaina egin ondoren, datozen egunetan sinadura bilketa abiatuko dute. Hala herritarrei dei egin diete “eraso arrotzei herri gisa erantzutera”. [nggallery id=51]

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.