Alkate ohiek Migel Mari Torrearen hautagaitza babestu dute

Jose Mª Legarda, Eduardo Aseginolaza, Roberto Lopez Etxezarreta, Maider Ziganda eta Amaia Agirregabiria Torrearekin batera agertu dira prentsa aurrean EH Bildurentzat botoa eskatzeko.

olatz mitxelena

Pasaia

2015/05/19

Alkate ohiek Torrearen hautagaitza babesteko egindako agerraldian

Zendutako Xabier Portugal gogora ekarriz hasi zuten atzo alkate ohiek Donibaneko Santiago Plazan egin zuten prentsaurrekoa. Izan ere, bera baino ez zen falta azken hamarkadetan ezker abertzaleko alkate izan direnen artean. Jose Maria Legarda, Eduardo Aseginolaza, Roberto Lopez Etxezarreta, Maider Ziganda, eta Amaia Agirregabiria, guztiek agertu zioten atzo babesa EH Bilduren zerrendaburu Miguel Mari Torreari. “Migel Mari Torreak gure babes osoa du, eta gu alkate izan ginenean aurrekoen ekarpenak jaso genituen bezala, berak ere gurea jasoko du”, esan zuten alkate ohiek. Horrez gain, “Migel Marik eta berak gidatzen duen taldeak” beraiek urtetan defendatu dutena ordezkatzen dutela nabarmendu zuten. Bertan bizi bertan erabaki “Hiru hamarkadatan” zehar herritarren konfiantza eskuratu izanaren gakoa, bi ideiaren uztarketan laburbildu zuten alkate ohiek: “Hemen bizi, hemen eraiki” eta “erabakiak kanpoan hartu nahi dituztenen aurrean” EH Bildu “herriko erabakitze esparrua tinko defendatuko duen indarra” dela goraipatu zuten. “Politikan jaio berriak eta noraezean dabiltzanen aurrean” EH Bilduk “sendotasuna, ezagutza eta zintzotasuna” eskaintzen dituela esan zuten eta beren babesa “Pasaia herritarrekin batera eraikitzeko konpromisoa hartua dutelako” lortu dutela gaineratu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.