Aldaketa handirik ez da espero Lezon
Zaila dirudi Lezon EHBilduk alkatetza galtzea
Etziko udal eta foru hauteskundeetan asko dago jokoan. Hauteskundeak dauden aldiro errepikatzen den esaldia da aurrekoa. Lezon zaila dirudi EH Bilduk alkatetza galtzea, gehiengo osoa du udalean, bigarren alderdia den EAJk baino sei zinegotzi gehiago. Azken urteetan boto joera mantendu du ezkerreko koalizio subiranistak, eta bertan alderdi berririk ez dagoela kontuan hartuta, ez dirudi aldaketa handirik izango denik igandeko emaitzetan.
Hiru zinegotzi ditu EAJk eta bat PSE-EEk. 2011. urteko hauteskundeetan boto kopuruan behera egin zuten bi alderdi horiek.
Igandeko udal eta foru hauteskundeen harira, zenbaketaren jarraipen berezia egingo du HITZAK herriz herri. Lezoko datuak zuzenean jarraitzeko aukera izango da gainera. 2011ko hauteskundetako emaitzak kontsulta daitezke dagoeneko. 
