Eneko Gilek egonaldi artistikoa egingo du Polonian

Poloniako Wroclaw hirian egonaldi artistiko bat egingo du udaran; Schulz poloniar idazle, margolari eta artista grafikoaren bizitza eta obra gorpuztuko ditu

eihartze aramendia

Errenteria-Orereta,Oiartzun

2015/05/27

Eneko Gil-eskubitik bigarrena- (Arg.: Etxepare)

Eneko Gil-ezkerretik bigarrena- (Arg.: Etxepare)

Eneko Gil dantzariak Poloniako Wroclaw hirian egonaldi artistiko bat egingo du udaran, DSS2016EUk eta Etxepare Euskal Institutuak bultzatutako deialdiaren bidez. Schulz poloniar idazle, margolari eta artista grafikoaren bizitza eta obra gorpuztuko ditu euskal dantza tradizionala eta garaikidea uztartzen dituen dantza-solo batean. Bruno. Kanela koloreko dendak da Gilen lanaren izena. Hain justu, Schulzek 1934an idatzi zuen Kanela koloreko dendak ipuin bilduma hartuko du oinarri. “Dantza soloak zubi lana egingo du 2016ko Europako kulturaren bi kapitalen artean: Donostia eta Wroclaw. Poloniar literatura Donostiara iritsiko da dantza-solo baten bitartez, eta Wroclawek euskal dantzari batek poloniar idazle baten munduari mugimendua nola ematen dion ikusiko du. Idazle poloniar bat eta dantzari euskaldun bat: bi mundu, bi errealitate, elkar ezagutzen ez duten bi tradiziok bat egingo dute solo bakarrean”. Eneko Gil ez da Poloniara joango den oiartzuar bakarra izango. Goiatz Labandibarrek BASK jaialdian parte hartuko du bere proiektua aurkeztuz. Wroclaweko Europako Kultura Hiriburutzak Donostia 2016ko Hazitegiak programaren babesarekin antolatutako jaialdia da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.