Pasaiako EH Bildu: "Hausnartzeko unea da"
Batzarra deitu du koalizioak ekainaren 6rako,"autokritika egin, akatsak aurkitu eta zuzentzeko"; Ertin izango da batzarra, 11:00etan.
EH Bilduk eskerrak eman dizkie “azken hilabeteetan herri programa eta zerrenda lantzeko biltzarretan parte hartu duten pasaitarrei, kanpainan boluntario aritu diren guztiei eta EH Bildu bozkatu dutenei”. Koalizioak aitortu duenez jasotakoak ez dira espero zituzten emaitzak, eta horregatik hausnarketarako biltzarra deituko dutela iragarri dute. Biltzarra San Pedroko Udal Aretoan (Erti) izango da, ekainaren 6an, 11:00ean.
“Hausnartzeko unea” dela uste du koalizioak, “autokritika egin, akatsak aurkitu eta zuzentzekoa”. Baina beren proiektuaren indarraz eta beharraz konbentzituta daudela esan dute. “Datozen 4 urteetan, oposiziotik bada ere, lanean jarraituko dugu Pasaia eraldatzen, justizia sozialaren alde eta Euskal Herriaren naziogintzan”.
