Pasaiako EAJ eta PSE-EE-k akordioa egin dute, "udalaren egonkortasuna helburu"

Negoziazioetan murgilduta zeuden, eta azkenean adostasuna lortu dute. Pasaiako PSE-EEk eta EAJk komunean zituzten gaiak ardatz izango dituen akordioa egin dute Pasaiako Udalean agintzeko.

Urko Etxebeste Petrirena

Pasaia

2015/07/10

Nahikari Otermin (EAJ) eta Izaskun Gomez (PSE-EE), akordioa sinatzen

Komunean zituzten gaien gaineko adostasunean sakondu, eta gobernu akordioa egin dute Pasaiako PSE-EEk eta EAJk datozen lau urteetan Pasaiako Udala koalizioan gobernatzeko. Komunean dituzten gaiak atez atekoa kendu eta bosgarren dukiontzia ezartzea, birgaitzea, garapen ekonomikoa, erakundeen arteko elkarlana, eta aniztasun kultura nahiz euskara izango direla esan dute gaur, akordioaren sinaketan, Izaskun Gomezek (PSE-EE) eta Nahikari Oterminek (EAJ), “akordioa pasaitarrentzako positiboa da”. Gobernu hitzarmenak udalaren egonkortasuna du helburu bi aldeetako ordezkarien esanetan, “gobernu sendo bat sortu, eta herriaren erabateko regenerazioarekin jarraitzeko”. Gobernu talde berriak gainontzeko erakundeekin elkarlana eta elkarrizketa dituela oinarritzat ere esan dute: “Portu Agintaritza, Foru Aldundia eta Eusko Jaurlaritza”. Hori guztia, “udalaren errekurtsoen kudeaketa zuzen eta eraginkorraz, eta trasparentzia oinarri izango den gobernu eredu berri batekin” egingo dela ziurtatu dute bai Gomezek zein Oterminek. Karguak Izaskun Gomez alkatearen ondokoa edo lehen alkateordea Nahikari Otermin izango da. Gainera, sozialista Antxoko alkateorde izango da, eta Otermin San Pedrokoa. Bestalde, Donibaneko alkateordetza Miriam Canoren (EAJ) esku egongo da, eta Trintxerpekoa, aldiz, Enrique Sanchezen (PSE-EE) ardura izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.