Herritarrei dei egin die Trintxerrek, elkartasuna festara bildu daitezen

Karmenetan urtero antolatu ohi duen sardina jatearen ordez, elkartasun festa antolatu dute, elkartearen itxiera salatzeko

olatz mitxelena

Pasaia

2015/07/17

Elkartearen itxiera salatzeko elastikoak egin ditu Trintxerrek

27 urte bete ditu aurten Trintxer elkarteak. Karmenetako larunbatean, urtero, hainbat jarduera antolatu ohi ditu elkarteak, eta aurten ere hala egin du. Horregatik, bihar, bote eta toka jolasak, herri kirolak, eta bertsolariak izango dira Euskadi etorbidean, besteak beste. Horrez gain, sardina jatea antolatu ohi du urtero Trintxerrek karmenetako larunbatean, baina aurten “elkartea jasaten ari den jazarpenarengatik” ez dutela antolatzeko aukerarik izango jakinarazi dute. Horren ordez, elkartasun festa antolatu du Trintxerrek biharko, 19:00etan azokan parean, eta trintxerpetar guztioi luzatu die deia, “duela 2 urte bere 25. urteurrena bete zuen elkartearekin, elkartasuna adierazteko”. Gertakari larria Trintxerpen gertatzen ari da izenburupean, elkartearen itxiera salatzeko esku-orria banatu du Trintxerrek jaietan. Elkarteko kideek idatzian salatzen dutenez, 27 urteko jarduera politiko, sozial, eta gastronomikoaren ondoren, elkartearen egoitza “espoliazioaren biktima” bihurtu da, Espainiako Auzitegi Nazionalak ixteko emandako agindua medio. Trintxerrek salatu duenez, itxierak “trintxerpetarren banakako zein taldeko askatasun eta eskubideei eragiten dio”, eta horregatik, gehiegikeria gaitzetsi eta herritarrei elkartasuna adierazteko eskaera bideratu diete. ‘Trintxerpen gertatzen ari da’

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.